متى قبلت بالانتخابات أساساً لاختيار البرلمان أو الرئيس أو الجن الأزرق، فيجب عليك عندئذ أن تحترم الانتخابات كوسيلة لتفعيل الديمقراطية، و أن تحترم الديمقراطية التي تتمثل في الانتخابات. و إن كنا لا نعرف بعد مفهوم الديمقراطية فكان الأولى بنا ألا نلجأ إلى الانتخابات كوسيلة لاختيار من يمثلنا أو يقودنا، و كان الأولى بنا أن نترك الغلبة للأقوى الذي يهزم كل أعداءه بحد السيف أو يفنيهم كما كان الحال في العصور الوسطى و ما قبلها من عصور ظلامية في التاريخ.
اليورو ٢٠١٢، و ما أدراك ما اليورو ٢٠١٢ و اللي بيحصل فيه. العالم مش بتتفرج على الكورة، دول أساساً بيتفرجوا على المشجعات. حلاوة إيه و جمال إيه و رشاقة إيه و حاجة كده و لا في الأحلام يا جدع، ما فيش منها في مصر و لا حتى عينات. الرجالة هاتتهبل من المشجعات بتوع اليورو، و كل ده من اللي شايفينه على التليفزيون بس، أومال لو دخلوا على النت و شافوا النسوان عاملين إيه علشان يشجعوا فرق بلادهم...! فيه نسوان قالعة ملط، آه و النعمة ملللللططططط. تعالوا نشوف إيه موضوع اليورو ٢٠١٢ ده.
أيوه منكم لله يا اللي خنتم الثورة و بعتم دم الشهداء. هان عليكم دم الشيخ عماد عفت؟ هان عليكم دم طلبة الطب و الهندسة اللي زي الفل اللي ماتوا في الشوارع؟ خيبة أملنا فيكم فظيعة. بعتوا ولادكم و دمكم و عرضكم بالشكل ده؟ نسيتم البنات اللي اتعمل عليهم كشوف عذرية و اللي اتضربوا و اتعروا في الشوارع. إيه...؟! خلاص ما بقاش فيه نخوة و لا ضمير؟!
شفت الكاريكاتير اللي راسمين فيه خرفان داخلين يدلوا بأصواتهم بغرض التريقة على أفراد جماعة الإخوان المسلمين اللي ماشيين ورا رأي مكتب الإرشاد بدون أدنى تفكير؟ يقول لهم الشاطر كلهم يدافعوا عن الشاطر و يقولوا ما فيش غيره يصلح للرئاسة، و بعدين يقول لهم المرسي تلاقيهم هما نفسهم برضه بيدافعوا عن المرسي و يقولوا ما فيش غيره يصلح للرئاسة، و خد من ده كتير. يقولوا لهم هاننزل مظاهرة تلاقيهم كلهم بيدعوا للمظاهرة، و بعدين يقولوا لهم لا غيرنا رأينا تلاقيهم كلهم بيدعوا لعدم التظاهر. و كل مرة تلاقي عندهم مبررات. سبحان الله! يعني مش بس ماشي زي الخروف ورا مكتب الإرشاد، لأ و بيطلع مبررات للحاجة و عكسها في غضون أسبوع أو اتنين.
حيرة كبيرة تلك التي وقع فيها العديد من المصريين بوصول مرشح الإخوان و مرشح العسكري أو الفلول لانتخابات الإعادة، و لو كان معهما ثالث لكانت تلك الحيرة حسمت بشكل نهائي باختيار الثالث، ففي تقديري أن أغلب المصريين لا يريدون إعادة النظام القديم و لا يريدون سيطرة الإخوان المسلمين على سلطات الدولة. و الآن علينا أن نختار أحلى الأمَرَّين و الاختيار صعب. أحاول أن أساعد نفسي و أساعد الآخرين بالتفكير في مزايا و عيوب كل منهما.
لم يكن أحد يتوقع أن يحوز الفريق شفيق على كل هذا الكم من الأصوات في الانتخابات الرئاسية و ذلك لعدة أسباب، فالرجل أنكر على الثورة كونها ثورة من البداية و سخر من الثوار، ثم حدثت في فترة توليه منصب رئيس الوزراء موقعة الجمل الشهيرة التي راح ضحيتها العديد من أرواح الأبرياء و أصيب آخرون بعاهات مستديمة، ثم رفض أن يستقيل من منصبه كرئيس وزراء حتى قامت العديد من المظاهرات ضده، ثم حاول مجلس الشعب عزله بقانون العزل الذي تم رفضه لعدم دستوريته، ثم استقبله العديدون بالهتاف ضده في حملاته الانتخابية، ناهيك عمن ألقوه بالنعال، و كل ذلك إضافة إلى نرجسيته البالغة و انعدام الرؤية السياسية و عدم قدرته على التحدث بالمنطق و الأسلوب الذي يليق برئيس مصر. ثم انتشرت الشائعات قبيل الانتخابات الرئاسية أن الكنيسة المصرية تدعم شفيق للرئاسة و أنه "مرشح الأقباط"، و قال البعض أن تصويت الأقباط لصالح الفريق شفيق هو السبب في حصوله على كل هذا الكم من الأصوات الذي يقترب من ثلث القوة التصويتية للمصريين، مما سينتج عنه احتمال دخوله في انتخابات الإعادة، و هو ما كان لا يرجوه معظم المصريين المحبين لوطنهم.
ماذا إن طلب منك شخص ما أن تكون سارقاً من أجل مصر؟ هل في هذا تعارض بين المبادئ الدينية و الأخلاقية و بين الشعور الوطني؟ و إن كان هناك تعارض، فهل يمكن أن نقول على بعض عملاء المخابرات المصرية الذين سرقوا من أجل مصر أنهم آثمون؟ هل يمكن أن تكون السرقة علامة من علامات الوطنية؟ أليس القتل ذنباً عظيماً و هو نفسه بطولة في الحروب؟ في رأيي أن السرقة ممكن أن تكون من علامات الوطنية بكل تأكيد. لكن انتظر... هناك المزيد مما يقال في هذا المضمار.
من طرائف انتخابات الرئاسة في مصر أن رئيس الوزراء الأسبق و مرشح الرئاسة الحالي الفريق أحمد شفيق اتسفخ كام جزمة طائرة من مواطنين مصريين في مختلف محافظات مصر، و اختتم المواطنون هذه السلسلة من السفخ بالجزم بشبشب طائر بصباع، و النكت طلعت بقى و كده. بيقول لك الصين هاتعمل جزمة بتلات فرد؛ واحدة يمين و واحدة شمال و واحدة شفيق. بيقول لك توفيق عكاشة بيقول للفريق شفيق لو عرفت تعد الجزم اللي اتحدفت بيها أنتخبك للرئاسة، يجرى إيه يعني؟! بس طبعاً أنا مش كاتب الكلمتين دول من قبيل الفكاهة و التندر بس! أكيد لي رأي في الكام مركوب اللي اتسفخهم شفيق.
نزول شباب الإخوان لتأمين مجلس الشعب من بعض أفراد الشعب الذين ذهبوا هناك هاتفين بسقوط حكم العسكر كان مثيراً للجدل. قرأت الكثير من التبريرات و التعليقات و في رأيي كلها تدور حول هذه النقاط:
هذا المقال القصير يحتوي على ألفاظ قد تكون خادشة للحياء بالنسبة للبعض. لا ينصح بقرائته لمن هم دون السن القانونية و لا لمن هم دون المخ القانونية أيضاً، و لا لمن يستحون من ظلهم.
و قد أعذر من لا مؤاخذة أنذر.
المقالة دي عبارة عن مقاطع ممكن تقراها بالترتيب أو تقراها واحد واحد بدون ترتيب. إنت و مزاجك و على حسب الوقت المتاح عندك. المقالة عبارة عن تعليقات على بعض الجمل اللي الواحد سمعها الفترة اللي فاتت إتكررت كتير. كلمتين و بافك بيهم عن نفسي أحسن ما أطق من جنابي. طبعاً و إنت بتقرا المقال هاتعرف بنفسك إن كان الكلام موجه ليك و لا موجه لحد تاني. ما تزعلش مني و ما تآخذنيش في طولة لساني. أنا كده... طبعي كده... الله يرحمك يا نجيب يا ريحاني. عموماً لو متضايق ما تكملش قراية.
قرأت جملة كتبها أحد اصدقائي على حسابه في الفيسبوك قائلاً:
"همه الإخوان جزء من النظام السابق؟؟؟؟؟؟ ... لو أيوه ... أمال كنتوا إنتخبتوهم ليه علشان يمثلوكم فى المجلس؟ ..... و لو لأ .... يبقى ليه الهجوم المستمر عليهم ... و لا علشان همه اللى وثق فيهم الشعب و لا علشان فيه ناس فى البلد دى متعرفش تقول غير لأ ... و فيه ناس ما بتؤمنش بالموائمات و التنازلات ....... نفسى بس أفهم ليه كل اللى بيهاجموا النظام السابق - برضه - بيهاجموا الإخوان ...؟"
و الحقيقة انني أصابني الملل من قراءة مثل هذه التعليقات، و قررت أن أرد عليها في مقال قصير عساه ينهي هذا الجدل العقيم و الاستنتاجات المغلوطة.
أنا عاوز اتكلم يا حبيبتي يا ام الشال
يسمع كلامي الناس و يرددوا اللي اتقال
يذكر إنجيل معلمنا متى في إصحاحه الأول بداية قصة الميلاد و الحبل العذري لسيدتنا العذراء مريم، فيقول:
{أَمَّا وِلاَدَةُ يَسُوعَ الْمَسِيحِ فَكَانَتْ هكَذَا: لَمَّا كَانَتْ مَرْيَمُ أُمُّهُ مَخْطُوبَةً لِيُوسُفَ، قَبْلَ أَنْ يَجْتَمِعَا، وُجِدَتْ حُبْلَى مِنَ الرُّوحِ الْقُدُسِ. فَيُوسُفُ رَجُلُهَا إِذْ كَانَ بَارًّا، وَلَمْ يَشَأْ أَنْ يُشْهِرَهَا، أَرَادَ تَخْلِيَتَهَا سِرًّا. وَلكِنْ فِيمَا هُوَ مُتَفَكِّرٌ فِي هذِهِ الأُمُورِ، إِذَا مَلاَكُ الرَّبِّ قَدْ ظَهَرَ لَهُ فِي حُلْمٍ قَائِلاً:«يَا يُوسُفُ ابْنَ دَاوُدَ، لاَ تَخَفْ أَنْ تَأْخُذَ مَرْيَمَ امْرَأَتَكَ. لأَنَّ الَّذِي حُبِلَ بِهِ فِيهَا هُوَ مِنَ الرُّوحِ الْقُدُسِ. فَسَتَلِدُ ابْنًا وَتَدْعُو اسْمَهُ يَسُوعَ. لأَنَّهُ يُخَلِّصُ شَعْبَهُ مِنْ خَطَايَاهُمْ».} مت ١ : ١٨- ٢١
أي رجل عادي في مكان يوسف النجار كان رد فعله للحبل العذري سيكون الغضب لكرامته و التشهير بخطيبته و تقديمها للحكم، و كان الحكم في شرع اليهود واحداً و هو القتل:
{وَإِذَا زَنَى رَجُلٌ مَعَ امْرَأَةٍ، فَإِذَا زَنَى مَعَ امْرَأَةِ قَرِيبِهِ، فَإِنَّهُ يُقْتَلُ الزَّانِي وَالزَّانِيَةُ.} لا ٢٠ : ١٠
Melia azadirachta هو الاسم العلمي لشجرة دائما الخضرة من عائلة الماهوجني و موطنها الأصلي الهند و باكستان، كما تنمو في المناطق الاستوائية و شبه الاستوائية، و تعرف في اللغة العربية باسم شجرة "النيم" أو "النيب" و في الفارسية باسم "أزادرخت"، و في كفر العكايشة باسم "زنزلخت".
عاوز أسأل سؤال رفنع جداً. هو الثورة و الناس اللي ماتوا و الناس اللي راحت عينيهم و كل اللي بقى عندهم عجز دائم دول عملوا كده ليه؟ مش برضه علشان الحرية و الديمقراطية و اننا نختار اللي يحكمنا و الحاجات دي؟ على قد فهمي المتواضع إن ده كان الهدف.
طيب و لما هو ده الزفت الهدف، ليه فيه ناس عاوزين يأجلوا الانتخابات أو ما يشاركوش فيها؟ مش ده برضه يبقى عبط و لا يبقى إيه؟ عاوز تنزل التحرير و تهتف ضد المجلس السمكري و تسب لهم ميت ملة؟ إنزل... هو حد حاشك؟ انزل التحرير و اهتف و قول أناشيد وطنية و اشتم في الظلمة و كل اللي في نفسك، و روح انتخب برضه. مخنوق من كل اللي بيحصل في البلد و شايف إن ده مأثر على أكل عيشك و مضيق عليك رزقك؟ روح انتخب يمكن الانتخابات تهدي البلد و البلية ترجع تلعب تاني و الفلوس تبقى في ايدك زي الرز في الرز أبو لبن. شايف إن الانتخابات دي تهريج و ضحك على الدقون و كلام من ده؟ روح برضه انتخب علشان تتفرج على التهريج و آديك بتتسلى. مؤمن بالديمقراطية و إرادة الشعب الحرة؟ لو ما رحتش تنتخب تبقى عاوز ضرب الجزمة القديمة.
هذا المقال القصير يحتوي على ألفاظ قد تكون خادشة للحياء بالنسبة للبعض. لا ينصح بقرائته لمن هم دون السن القانونية و لا لمن هم دون المخ القانونية أيضاً، و لا لمن يستحون من ظلهم.
و قد أعذر من لا مؤاخذة أنذر.
عباس كان متجوز اتنين: إصلاح و ستوتة. إصلاح كانت ست جدعة و بنت بلد و ما ترضاش ينداس لها على طرف. ستوتة كانت غلبانة و مكسورة الجناح و "عاوزة تعيش" زي ما بنقول بالبلدي. عباس بقى كان راجل إبن مرة وسخة مفتري، و اللي بيقوله غير اللي بيعمله، و ما كانش عاوز حد من حريمه يكسر له كلمة أبداً، حتى لو كانت غلط.
ستوتة اتجوزت عباس علشان هو أول واحد اتقدم لها، و زي ما قلنا، ستوتة كانت "عاوزة تعيش". إصلاح بقى اتجوزت عباس علشان أهلها غصبوا عليها، بس هي الحقيقة ما كانتش طايقاه مطلقاً و كان نفسها ييجي اليوم اللي تخلص فيه من عباس. ستوتة برضه ما كانتش راضية بحالها مع عباس، بس كانت ماشية بمبدأ "ضل راجل و لا ضل حيطة"، و عباس الحقيقة كان جتة إبن الكلب، يعمل حيطتين مش حيطة واحدة.
الشعب المصري: المبادئ الفاشخة للكركور. المبادئ الرافعة ع الزن....تور. المبادئ النا....كشة في الحنطور. و سلم لي على الطرطور.
الحاج حازم أبو إسماعيل: و النبي يا عام الحاج. إنت لسه مش فاهم الدولة المدنية الحديثة. الولاء للوطن أولاً قبل الدين، و لو عاوز يكون ولاءك للدين قبل الوطن يبقى دي مشكلتك مش مشكلة الوطن، و حلها على حسابك إنت مش على حساب الوطن و المواطنة. ده على إعتبار إن الوطن ده فيه أكتر من دين واحد و على إعتبار إن من حق البني آدم يغير دينه لو ما عجبوش.
الدكتور البرادعي: وحشتنا يا راجل. ما تيجي...! إنت ما بتجيش ليه.
الإخوان المسلمين: ارسوا لكم على بر. الجيش حلو و لا وحش؟ يعني لو الجيش قال اللجنة التأسيسية كلها اخوان و مجلس الشعب كله اخوان، ينفع نفوت له باقي اللي في الوثيقة و المسامح كريم و يا بخت من قدر و عفي؟
إحرق كنيسة... إقطع ودن واحد قبطي... اعمل مظاهرة في ماسبيرو علشان تدافع عن القبطي... طلع شوية مهابيل يزعقوا و يقولوا عاوزين حماية دولية للأقباط... سيب المتطرفين يعلوا صوتهم و اكتم صوت المعتدلين... خوف المسيحي من المسلمين... كره المسلم في المسيحيين...
و بعدين...؟؟!!
نخاف و نكش من ده الوش؟ طيب نطلع نتخانق و نزعق و نضرب و نكسر؟ نعمل إيه؟
طل علينا بوجهه القبيح الدكتور عصمت زقلمة من خلال الإنترنت، معلناً قيام الدولة القبطية في مصر...! و يبدو أن هذا الإعلان صدر في التاسع من يوليو و تأخر في الوصول إلينا قرابة الشهرين، و ربما كنت أنا الذي تأخرت في الاطلاع عليه، إذ انني وجدت أن الأستاذ وائل الإبراشي في حلقة من حلقات برنامج الحقيقة قد إستضاف القس فيلوباتير جميل راعي كنيسة السيدة العذراء بفيصل، و الأستاذ ممدوح رمزي المحامي و الناشط السياسي، و الأستاذ إسحق حنا أمين عام الجمعية المصرية للتنوير، و ذلك لنقاش هذا الإعلان الفريد من نوعه و بمشاركة الدكتور عصمت زقلمة من واشنطن تليفونياً.
خلاصة الأمر أن الدكتور عصمت زقلمة أعلن "رسمياً" قيام الدولة القبطية في مصر بصفته رئيساً لها و المتحدث الرسمي باسمها، و ذكر عشر نقاط في الإعلان التأسيسي لتلك الدولة. و الحقيقة أنني لم أكن أعرف من هو الدكتور عصمت زقلمة رئيس الدولة القبطية بالرغم من أنني قبطي قح. و بناء عليه قررت أن أبحث في الإنترنت لأعرف رئيس دولتي الجديد.