ديچا فو

اليوم الأول...

فتح باب بيته ودخل وهو يقول بصوت عالٍ:

– ماما... ماما... الغدا فين أنا هموت م الجوع

ألقى الكتاب الذي كان يحمله على المائدة، واتجه مباشرة إلى الحمام ليغسل وجهه الذي كان يتصبب عرقاً. كان اليوم حاراً ومترباً، وكانت الحافلة التي استقلها من جامعته عائداً إلى المنزل مزدحمة للغاية أكثر من الزحام اليومي المعتاد. فتح صنبور الماء ووضع كفيه متجاورين ليحمل بعض الماء فيهما ليغسل وجهه، وشعر براحة وانتعاش حينما لامس الماء البارد وجهه، فكرر ذلك عدة مرات ثم أغلق الصنبور وتناول منشفته فجفف وجهه وعلقها بعناية خلف باب الحمام، ثم توجه مباشرة إلى المطبخ حيث كانت أمه تنتهي من إعداد الطعام، فطبع قبلة سريعة على خدها الأيسر بعد أن قال:

دليل المؤمن التقيّ للتقدم و الرقيّ

أخي الكريم و أختي الفاضلة، في هذه التدوينة القصيرة أقدم لكم بعض النصائح المجربة في كل العالم و على مدار التاريخ لتحقيق التقدم و الرقي للوطن الحبيب عن طريق التدين و التقوى.

المنحدر الزلق

من درس علم المنطق ربما يعلم أن هناك مغالطة منطقية تسمى "المنحدر الزلق" (slippery slope) و هي بمنتهى البساطة افتراض أن حدثاً معيناً سينتج عنه سلسلة من الأحداث تنتهي بمأساة، و عادة ما يكون احتمال الانتقال من حدث لآخر في تلك السلسلة ضئيلاً، مما يجعل الوصول من نقطة البداية إلى نقطة النهاية الافتراضية أمراً صعب الحدوث و أحياناً يقارب المستحيل، و ربما أيضاً يكون في تلك السلسلة من المغالطات المنطقية الأخرى ما يجعل فرضية الانتقال من حدث لآخر فيها مغالطة في حد ذاتها و ينفي التسلسل المنطقي من أساسه. كمثال على ذلك أن ترفض أم خروج ابنها في جو بارد لأنه لو خرج في البرد سيصاب بالإنفلونزا، و أن الإنفلونزا هذه قد تكون من النوع الخطير كإنفلونزا الطيور، و أنه حينئذ قد يموت، و لو مات سيموت أبوه و أمه حزناً عليه و تبقى أخته الوحيدة بلا عائل و لا عائلة...!!

هذا النوع من المغالطات المنطقية رأيته كثيراً بعد الثورة، و كان مثالاً جلياً له ادعاء أعضاء التيار الإسلامي أن الليبرالية ستقضي على الإسلام و لذا وجب محاربتها، كما سبق و قال حازم شومان "ليبرالية يعني إيه يا برادعي..؟ يعني أمك ما تلبسش الحجاب. أمي أنا؟! أيوه... أمك إنت!" و أراه تحديداً يكثر الآن في صورة ادعاء أن عزل الجيش لمرسي العياط يعد انقلاباً عسكرياً لا يحترم الشرعية و لا القانون، و هذا الانقلاب سيعيد النظام القديم مرة أخرى، و إن كانت الاعتقالات قد بدأت اليوم بقيادات تيارات الإسلام السياسي فإنها ستنتهي حتماً--عاجلاً أو آجلاً--باعتقال المعارضين جميعاً و سيادة القمع و الطغيان، و بالتالي فإننا يجب أن نمنع هذا "الانقلاب العسكري" من الحدوث إن أردنا أن نتجنب عودة الدكتاتورية.

و هذه هي المغالطات المنطقية في هذا الادعاء:

الدفاع عن شرع الله‎

المقال نُقِلَ إلى هذا الرابط. هذه مرحلة انتقالية سيتم خلالها نقل كل المقالات الجادّة إلى المدونة الجديدة.

إصلاح و ستوتة

هذا المقال القصير يحتوي على ألفاظ قد تكون خادشة للحياء بالنسبة للبعض. لا ينصح بقرائته لمن هم دون السن القانونية و لا لمن هم دون المخ القانونية أيضاً، و لا لمن يستحون من ظلهم.

و قد أعذر من لا مؤاخذة أنذر.

عباس كان متجوز اتنين: إصلاح و ستوتة. إصلاح كانت ست جدعة و بنت بلد و ما ترضاش ينداس لها على طرف. ستوتة كانت غلبانة و مكسورة الجناح و "عاوزة تعيش" زي ما بنقول بالبلدي. عباس بقى كان راجل إبن مرة وسخة مفتري، و اللي بيقوله غير اللي بيعمله، و ما كانش عاوز حد من حريمه يكسر له كلمة أبداً، حتى لو كانت غلط.

ستوتة اتجوزت عباس علشان هو أول واحد اتقدم لها، و زي ما قلنا، ستوتة كانت "عاوزة تعيش". إصلاح بقى اتجوزت عباس علشان أهلها غصبوا عليها، بس هي الحقيقة ما كانتش طايقاه مطلقاً و كان نفسها ييجي اليوم اللي تخلص فيه من عباس. ستوتة برضه ما كانتش راضية بحالها مع عباس، بس كانت ماشية بمبدأ "ضل راجل و لا ضل حيطة"، و عباس الحقيقة كان جتة إبن الكلب، يعمل حيطتين مش حيطة واحدة.

و آخرتها إيه يا بلد؟

إحرق كنيسة... إقطع ودن واحد قبطي... اعمل مظاهرة في ماسبيرو علشان تدافع عن القبطي... طلع شوية مهابيل يزعقوا و يقولوا عاوزين حماية دولية للأقباط... سيب المتطرفين يعلوا صوتهم و اكتم صوت المعتدلين... خوف المسيحي من المسلمين... كره المسلم في المسيحيين...

و بعدين...؟؟!!

نخاف و نكش من ده الوش؟ طيب نطلع نتخانق و نزعق و نضرب و نكسر؟ نعمل إيه؟

شهادتي من العباسية

إسمي محمد حسن و سني ٢١ سنة. أنا طالب بكلية تجارة عين شمس و ساكن بالقرب من ميدان العباسية، قريب جداً من المكان اللي حصلت في المجزرة بتاعة ٢٣ يوليو. شهادتي شهادة يحاسبني عليها ربنا يوم القيامة عن اللي حصل يومها من المتظاهرين.

كنت واقف في البلكونة أنا و أخويا بنتفرج على اللي بيحصل و شفنا تجمع المتظاهرين عند مسجد النور، و عددهم كان كبير، يمكن ألف واحد مثلاً. كان فيهم شباب و بنات، لكن اغلبهم كان من الشباب. لما لقينا العدد كتير قلنا ننزل نتكلم معاهم و نحاول نقنعهم يمشوا علشان قفل السكك و العطلة و البهدلة دي ما لهاش أي لازمة، خصوصاً و انهم قافلين التحرير بالفعل.

لما نزلنا و اتكلمنا معاهم لقينا معظمهم شباب مش متعلمين أصلاً، و سألناهم هما جايين عاوزين إيه بالظبط، و لقينا الإجابات غريبة جداً. واحد قال عاوزين مجلس رئاسي، و التاني قال عاوزين دستور الأول، و التالت قال عاوزين علمانية و الرابع قال عاوزين نعدم مبارك في الميدان و حاجات غريبة جداً. المهم إن اللي عاوز مجلس رئاسي ده لما سألناه ليه المجلس العسكري مش عاجبه رد و قال علشان بيحابي للإخوان، و لما حاولنا نناقشه ما عرفش يقول كلام مقنع. اللي قال علمانية ده سألناه يعني ترضى الدعارة تكون مقننة مثلاً؟ قال و إيه يعني، ما تسيبوا الناس براحتها، و اللي كان بيتكلم عن الدستور مش عارف إيه هو الدستور أصلاً، و بيقول الدستور هو القانون و إن البلد ما فيهاش قانون اليومين دول. أما اللي كان عاوز يعدم مبارك في الميدان ده كان بيقول احنا حانروح نجيب المجلس العسكري من المكاتب اللي قاعدين فيها و نخليهم يجيبوا لنا مبارك و احنا نتصرف معاه. بقى ده إسمه كلام يا ناس؟

كان فيه برضه شوية شباب من الحتة نزلوا زينا يتكلموا مع المتظاهرين علشان يقنعوهم يمشوا. مش عارف إيه اللي حصل بالظبط لكن سمعنا زعيق و زي خناقة كده، و لما جرينا على هناك نشوف فيه إيه لقينا واحد من المتظاهرين عمال يتخانق مع واحد من جيراننا و بيقول له "اطلع بيتك يا إبن الشر..... لو ما إنتاش راجل و مش عارف تجيب حقك يبقى تقعد في البيت زي الحريم و تسيب الرجالة يتصرفوا"

كلمة من ده على كلمة من ده الموضوع سخن و لقينا ناس من المتظاهرين داخلين علينا و معاهم سنج و مطاوي و هددونا علشان نطلع البيت. أنا و أخويا خدناها من قصيرها و طلعنا تاني وقفنا في البلكونة. فيه ناس من الشباب جيراننا صعب عليهم الكلام اللي اتقال في حقهم و البهدلة اللي إتبهدلوها في الشارع و تقريباً كده لموا طوب من الشارع و طلعوا من البلكونات حدفوه على الشباب اللي اتهجم عليهم بالسنج و المطاوي.

المتظاهرين هما كمان ردوا على حدف الطوب بطوب زيه، بس الحقيقة أنا مش عارف هما جابوا الطوب ده كله منين. كان معاهم كميات طوب كتيرة جداً، و فيه عربيات الإزاز بتاعها اتكسر و الصاج إتطبق بسبب حدف الطوب الكتير.

المشكلة بقى إن الموضوع زاد عن الحد و لقينا قنابل مولوتوف بتتحدف من عند المتظاهرين في إتجاهات مختلفة و سمعنا ضرب نار و كان فيه ناس بتجري برضه في إتجاهات مختلفة.

أنا مش عارف المتظاهرين دول مين و عاوزين إيه بالظبط، لكن كمية الطوب اللي كانت معاهم، و كمان السلاح الأبيض و المولوتوف كانت غير عادية أبداً. أنا شخصياً أشك إن دول فاهمين هما بيعملوا إيه، و ممكن يكونوا قابضين علشان يعملوا فتنة بين الجيش و الشعب. شكلهم و تصرفاتهم كانت غريبة جداً. مش شكل ثوار يعني.

أنا اضطريت أدخل من البلكونة أنا و أخويا و ما نزلناش الشارع تاني علشان والدي حلف يمين طلاق ما احنا نازلين و لا طالعين البلكونة و والدتي قعدت تعيط و إتحايلت علينا نسمع كلام أبونا. و آدي اللي احنا خدناه من بتوع التحرير.

طبعاً كل الكلام اللي فوق ده هجص و تأليف و تحشيش، و أنا أساساً قاعد في كندا و لا شفت أي حاجة، بس الكتابة سهلة. المهم تكون عامل دماغ. كل اللي كان مصدق أي حاجة من الكلام اللي فات يراجع نفسه في كل اللي مصدقه عن أي حاجة.

تاخد نفس...؟